نداء الى الشعب التونسي المناضل....ان غدا يوم تاريخي في حياتنا كتونسيين ...لاول مرة نختار بكل حرية و بارادة مستقلة...الرجاء ان نتحلى بالمسؤولية و الحزم فلاالاجيال القادمة سترحمنا و لا التاريخ...ارجوكم لا تضيعوا هذه الفرصة..كونوا و طنيين و اوفياء لدماء الشهداء الذين وهبونا فرصة ان نحيا يوما كيوم 23 اكتوبر 2011 .... عاشت تونس

من حسن حظي غدوة ان شاء الله اني باش نرجع للمدرسة اللي قريت فيها ليا سنوات .. والله مشتاقلها .. اما منيش باش نرجع كيما كنت قبل ساق القدام و ساق لتالي, و منيش باش نرجع خايف مالمعلم و مالمدير, و منيش باش نرجع خايف مالعساس ليسكر الباب بعد ماكنت نكور البرة, و منيش باش نرجع باش نشوش و نقلب الدنيا بالصياح و اللعب, و منيش باش نكتب على حيوطها بالطباشير "الوداع", اما المرة هاذي باش نكتب التاريخ مع التوانسة الكل باحرف من ذهب وقت اللي نشاركوا في اول انتخابات نزيهة في تونس باش نرجع لمدرستي وانا مواطن تونسي نفتخر بهويتي و متفائل ان شاء الله بمستقبل بلادي